Below are the 20 most recent journal entries recorded in zianon_pazniak's LiveJournal:

[ << Previous 20 ]

Tuesday, November 3rd, 2009
9:32 am	Паліцаі і супрацоўнікі НКВД . Антыгероі беларускай гісторыі, паліцаі і супрацоўнікі НКВД, гэтыя прафэсйныя групы амаль 70-гадовай даўніны--дасёньня ў актыўным прапагандысцкім ужытку. Яны выкарыстоўваюцца ў Беларусі як дубіны адпаведна прыхільнікаў незалежнасьці і прыхільнікаў расейскага падпарадкаваньня. І хоць дубіна супраць “паліцаяў-людажэраў” значна лепей раскручаная і ўбітая ў галовы, дубіна супраць “людажэраў з НКВД” значна больш цяжкая і зьнішчальная. Хаця-б таму ўжо, што паліцаі забівалі узброеных партызанаў, у баях. Поруч з нейкай колькасьцю мірнага насельніцтва—і за гэта адказваюць перад гісторыяй. Але супрацоўнікі НКВД забівалі выключна бяззбройных людзей. Таму гэтай цяжкой дубінай неабходна біць прыхільнікаў расейскага падпарадкаваньня, пакуль іх не застанецца на нашай зямлі. (Comment on this)
Thursday, September 17th, 2009
6:06 am	Сьвята-трагедыя . 70 год таму пакроенае цела Беларусі было састаўленае разам, ды не напоўна. Адна гістарычная несправядлівасьць спынілася, другая прадоўжылася. У Бацькаўшчыны вырвалі сэрца--Вільню. У яе вынулі душу--культуру і мову. Плоць ад плоці яе, Дзьвіншчына, Смаленшчына, Беласточччына, Браншчына--застаюцца цяпер забраным краем. Сёньня мяжа, што была за Негарэлым і Сіняўкай, праходзіць праз сэрцы. Беларусь застаецца падзеленая. Беларусь яшчэ чакае Аб'яднаньня. (4 Comments |Comment on this)
Thursday, August 27th, 2009
2:29 pm	Вырашана. Год наступны стане годам вяртаньня. (4 Comments |Comment on this)
Tuesday, July 14th, 2009
4:49 pm	Грамыка “Місьцер Ньет”, каля 40 год твар Саветаў на міжнароднай арэне. Чалавек беларускага паходжаньня—вышэйшы кіраўнік Расеі (Старшыня прызыдыюму ВС СССР). Самы вядомы савецкі беларус. Маланкавая фантастычная кар’ера, з аграномаў у дыпляматы. Пры гэтым баяўся свайго беларускага паходжаньня, як вагню. Беларускасьць у сабе зацёр так, што не засталося і адной малекулы. Страх сьціскаў нават у час “перабудовы”—у цэлай гнюсьненькай тоўсьценькай кніжцы мэмуараў пад назвай “Памятнае” не знойдзеш ніводнага слова “беларус” або “беларускі”. Пра паходжаньне пісаў—ён “з радзімічаў”. Во як! Стаў ланцужным сабакам расейскага бальшавізму ў сьвеце. Гэта клясычны выпадак, калі “свая костка ды сабаччым мясам абрасла”. (3 Comments |Comment on this)
Friday, July 3rd, 2009
2:00 pm	дзень мазахізму Дзень незалежнасьці ад здаровага сэнсу. Вакханалія псэўдабеларускага лёкайства супадае з цынічным дэманстраваньнем самцоўскіх здольнасьцяў “пахана”. Сотні людзей, абчмураных ідэалёгіяй дзяржмаразму, ломяцца зірнуць на спэктакль “пахана”. Тыднямі сотні іншых людзей марнавалі свой час на дэбільную муштру ўзору Паўночнай Карэі. І нічога, пракаўтнулі. Аблізваюцца нават. Чалавечая наіўнасьць масаў падпітвае гэты нялюдскі паханскі рэжым ужо 15 год. (2 Comments |Comment on this)
Thursday, May 7th, 2009
8:42 am	да дня неперамогі Зноўку—травень, і зноў—трава. Трава забыцьця паўстае з-пад зямлі. Стужкі, парады. Саўкі-татарва Зноўку мой край на штыхах узьнялі. (2 Comments |Comment on this)
Friday, April 24th, 2009
6:19 am	65 Трынаццаты год без паветра Бацькаўшчыны. І толькі вецер з тае стараны прынёс мне шоргат далёкага, яшчэ не распушчанага лісьця... пах яшчэ не разквітнеўшых кветак. Колькі-ж брыдкай чужынскай навалачы, што гарцуе на апатыі і абыякавасьці беларусаў: http://agafon-bel.livejournal.com/281296.html Хацелася-б глянуць у вочы гэтым "кандыдатам у беларусы". Але жыве Беларусь. І жыцьме. (12 Comments |Comment on this)
Wednesday, April 1st, 2009
12:25 pm	Народ Народ—як дзіця. Як хлопчык, на вачох якога чужы вусаты дзядзя зьбіў і згвалціў матку, а пасьля купіў хлопчыку ровар. І хлопчык забыўся на тое, што бачыў, ганяе сабе на ровары. І вецер кудлаціць яму валасы, і сонейка мігціць на храміраваным стырне новага ровара. (3 Comments |Comment on this)
Sunday, February 8th, 2009
9:28 am	Адмова ад прысягі--працяг барацьбы. Менавіта АДМОВА АД ПРЫСЯГІ выбіла-б з рук рэжыму такую цудоўную дубінку, як позва ў ваенкамат. Канфуз з поваду масавага адмаўленьня ад прысягі мог перарасьці, пры належнай падрыхтоўцы, у каляпс усяго рэжыму як такога. Гэтага рэжым і баяўся. Але—хлопцы спынілі змаганьне. Прыняцьце прысягі рэжыму Лукашэнкі—гэта крыж на ўсёй папярэдняй дзейнасьці хлопцаў, якіх незаконна зацягнулі ў антыбеларускую армію. Бо гэтая сёнешняя армія скіравана не супраць зьнешніх ворагаў. Гэта проста разьдзьмуты лейб-амон “прэзідзента”, з танкамі, самалётамі і ракетамі. Ф. Вячорка даў каму прысягу (хай сабе і на беларускай мове), каго зьбіраецца бараніць ад Усходу і Захаду? Заўтра яму дадуць загад “гасіць” унутраных ворагаў. Што ён зробіць? Парушыць прысягу? Дык нашто трэба было даваць яе... (11 Comments |Comment on this)
Sunday, January 25th, 2009
8:27 am	МУЗЭЙ "АПОШНЯЯ ДЫКТАТУРА ЭЎРОПЫ" Калі Беларусь будзе вызваленая, Дразды і "Прэзідэнцыя" стануць Музэем Апошняй Дыктатуры Эўропы. Сюды-ж дадасца Мэмарыяльны комплекс Курапаты і "Амэрыканка". Музэй "Вялікай Айчыннай Вайны" пераўтворыцца ў Музэй Акупацыі. Але ў першыя дні Вызваленьня хай тысячы людзей пройдуць праз пакоі Драздоў і "Прэзідэнцыі", каб на ўласныя вочы, як немцы ў Дахаў у 1945, пабачыць злачыннасьць і духоўную галечу гэтага рэжыму, што столькі год трымаецца на хлусьні, ілюзіях і страху. (11 Comments |Comment on this)
Sunday, January 4th, 2009
9:33 am	Новалецьце У халодным горадзе чужым Зімой не любы ні зямля, ні дрэвы Адлічываю тыдні і гляджу На промні сонца, што яшчэ Гадзінаў сем назад краналі Зямельку беларускую маю. Змаганьне пасьля адыходу лукашызму, з усімі яго Зімоўскімі і Трашчанкамі, будзе працягвацца--пакуль будуць Міхайлавы, Халезіны, Санікавы. (3 Comments |Comment on this)
Wednesday, September 3rd, 2008
5:32 pm	непатрэбныя даты Хто цяпер памятае, у гонар чаго называецца "Вуліца 3 верасьня" у Менску, Маладэчне, сотнях гарадоў і мястэчак Беларусі? Нешта адбылося на другім баку зямное кулі, паміж сіламі, што ніяк не былі спрыяльныя для Беларусі--і чамусьці дасёньня захоўваецца знак пра добра і назаўжды забытую падзею. Спадзяюся, той самы лёс чакае дату "3 ліпеня"--па крыху іншых прычынах але з той самай сутнасьцю. (5 Comments |Comment on this)
Thursday, July 31st, 2008
10:33 pm	ПРА ТЭРОР Амаль увесь месяц прайшоў у пакутлівых роздумах АБ ТЭРОРЫ. Тэрор працуе. Гэта досыць эфэктыўная паліттэхналёгія 19-га і 20-га ст. Хто калі даведаўся-б у шырокім сьвеце пра існаваньне арабаў-палестынцаў або пра тамільскаю меншыню на Цэйлоне? Малайя і Кенія былі-б дасюль ангельскія калёніі, а Зюйд-Афрыка дасюль жыла-б з апартэідам. У Беларусі тэрор паскорыў бы палярызацыю грамадства, змусіў бы саскочыць з плоту большасьць насельніцтва. Можна жыва ўяўляць сабе, як граната з РПГ ірве ўшматы злогнюсную тушку шклоўскага інфэрнала, мяшае ў крывавую кашу вусікі з зачосікамі. Як куля ўваходзіць паміж дуркаватых вачэй істоты з характэрнай назвай "Жадобін". Як... Але досыць мрояў. Хуткія тэрарыстычныя крокі наперад могуць адкінуць на дзесяцігоддзі назад. Тэрор ёсьць абоевострая зброя. Ён зразае чыстых душой ідэалістаў, перарабляе высокія памкненьні ў нізкія інстынкты. Паняверка і цынізм, якія ўжо цяпер дасягнулі нечуванага раней узроўню, праз тэрор толькі ўзмоцняцца. За тузін-два зьнішчаных козікаў-тозікаў Беларускі Нацыянальны Рух можа страціць сваю душу, сваю ПРАЎДУ, будучыню свайго народу. Таму кожны крок, кожны дзень, кожная хвіліна жыцьця мусяць стаць этапамі працы "штодзённай, шэрай", праз рэпрэсіі маскоўскіх халуёў і паскуднае гігіканьне наплоцеседзячых "тоже-белоруссов". Лепш прайсьці гэтыя этапы сваімі ўласнымі нагамі, чымся праймчацца невядома куды на шалёнай кабыле ТЭРОРУ. (4 Comments |Comment on this)
Tuesday, June 3rd, 2008
1:02 pm	20 ГОД, РОЎНЫЯ СТАГОДДЗЯМ... Паўстала зь нябыту Беларуская дзяржава. Але трагедыя стагоддзяў прадаўжаецца і сёньня. Горка, што цяжкі воз, які сталі цягнуць столькі год таму, і сёньня амаль на тым месцы. Горка, што сёньня ў створанай намі дзяржаве пануе лютая навалач, што ўсімі вантробамі, па-зьвярынаму ненавідзіць беларускасьць. З Францішка Аляхновіча: “...ня ведаў, што дэманструючы сваю беларускасьць і жаданьне працаваць на карысьць беларускай культуры ды захопліваючыся дасюляшнімі дасягненьнямі— ён падпісваў ужо свой прысуд. А ГЭБІСТЫМ УСЁ БЫЛО ЯСНА, ЯНЫ ЎЖО ЎСЁ ВЕДАЛІ.” (http://www.kurapaty1988.org/books/kipciury_gpu.pdf) (8 Comments |Comment on this)
Tuesday, May 13th, 2008
5:12 pm	КАНЕЦ ПАЧВАРЫ Што рабіць пасьля з Лукашэнкам? Ягоныя грахі і перад Беларусью і незалежнасьцю яе так вялікія, ягонае зьнішчэньне беларускай культуры, беларускай мовы так татальнае, а зьдзек з іх так вычварны! Пакараньнем, роўным тым злачынствам, было-б хіба публічнае зьняцьце скуры з гэтай істоты, або ўчвартаваньне на Плошчы Перамогі, перад тым пасмажыўшы пачвару на Вечным Агні. Але мы--ЭЎРАПЕЙСКАЯ нацыя. Помстлівасьць і крыважэрныя кары не да твару народу, што даў Скарыну, Сапегу, Касьцюшку, Купалу. Таму ўсё будзе строга па закону. Таму паўстае пытаньне: як і па якіх законах караць здрадніка і вылюдка, што душачы і рабуючы свой народ, гандлюючы ягоным суверэнітэтам, крычыць пра сваё дабрадзейства і бяссрэбнасьць. Сёньня дзейнічае заканадаўства, што Лукашэнка стварыў пад сябе, нават з улікам таго, што ён можа навярнуцца дагары нагамі. Чакаць зьмены законаў, прыняцьця новай Канстытуцыі? Адказ адзін—ворага трэба біць ягонай зброяй. Лёс Лукашэнкі і ягоная кара будуць вызначаны праз Усенародны Рэфэрэндум. (19 Comments |Comment on this)
Monday, May 12th, 2008
9:58 am	ЖАНІМСТВА ПА-ІЧКЕРСКУ (З канфэдынцыйнага паведамленьня ЦРУ... Вось каб нашыя людзі дзеілі як гэтая малая, але гордая нацыя. ) Днямі адбыліся заручыны дачкі Біла Гэйца і сына ічкерскага селяніна Ісмэта Чэкуева. Гэтаму папярэднічала наступнае:( Read more... ) (Comment on this)
Saturday, May 10th, 2008
9:56 am	Дзень памяці Пішу па выніках сеціўных дыскусій і размоваў з моладдзю. Пост-савецкі "Дзень Перамогі" ў Другой сусьветнай вайне—повад для асэнсаваньня савецкага мінулага беларусаў. Назіраюцца дзьве скрайнасьці—эйфарычны энтузіязм на адным баку, і заявы пра тое, што гэта наагул не варта адзначэньня—на другім. Крытэр для ацэнкі, на маю думку, мусіць быць просты і ясны: Ці была гэтая падзея спрыяльнай для разьвіцьця беларускай нацыі, беларускай дзяржаўнасьці, беларускай культуры? ( Read more... ) (2 Comments |Comment on this)
Saturday, May 3rd, 2008
8:35 am	ГЭТА БЫЛА І НАШАЯ КАНСТЫТУЦЫЯ Колькі канстытуцыяў панаўводжана было ў нас у Беларусі? Тая, з 1791—першая ў нас была. Першая ў Эўропе. Можна спрачацца пра розныя пункты яе: унітарнасьць дзяржавы, замацаваньне спадчыннае а не выбарчае каралеўскай-княскай пасады, скасаваньне liberum veto, ігнараваньне правоў сялянства, і г.д. Аднак у рэаліях ТАГО ЧАСУ, на фоне дэспатызму эўрапейскіх манархіяў, агрэсыўнай тыраніі й крывавага самадурства манархіі расейскай, не кажучы пра жахі ўсходніх дэспатыяў—Канстытуцыя, прыгнятая нашымі продкамі гэта падзея эпахальная, падзея сусьветнага ўзроўню. ( Read more... ) (3 Comments |Comment on this)
Friday, May 2nd, 2008
12:14 pm	добра хоць граблі а ня вілы Канфлікт на дыпляматычным полі, калі сталы ціск збоку Лукашэнкі не знаходзіць адэкватнага адказу адпаведных структураў у ЗША вельмі паказальны. На агульную сытуацыю распаўсюджанай некампэтэнтнасьці і простага занядбаньня службовымі абавязкамі накладецца абсалютнае няведаньне і нежаданьне ведаць рэаліі Ўсходняй Эўропы і пост-савецкай прасторы. Розьніца ў вагавых катэгорыях дадае таксама, хоць выкурыць Лукашэнку будзе менш складаней чым якога Муктаду ас-Садра. Карацей: імпатэнцыя, некампетэнцыя і раздзяўбайства сёнешняй каманды ў Дзяржаўным дэпартамэнце, ЦРУ, Радзе Нацбясьпекі, атачэньні Прэзідэнта ЗША пагражаюць завесьці зьнешнюю палітыку Амэрыкі наагул туды, куды Макар цялятаў не ганяў. Спадзяюся, што прэзідэнт Джон МакКэін паставіць усё на патрэбныя месцы, улучна з рэжымам узурпатара Лукашэнкі. (5 Comments |Comment on this)
Thursday, May 1st, 2008
11:46 am	Невясёлы 1-Май Адкрыў для сябе фантастычны сьвет хімічна чыстага, дыстыляванага саўковага сьветаўспрыняцьця: дзёньнік нейкай сп-ні Лучанок elenkaluch, дай Бог ёй здароўя. Чытаю з захапленьнем, і адно шкадую пра неперыядычнасьць постынгаў. Шмат якія рэчы, што падаваліся не зусім яснымі напачатку 1990-х і на выбарах 1994 г., становяцца на свае зразумелыя месцы.( Read more... ) Мала білі, мала тапталі, выбівалі ў 1655, 1712, 1863, вынішчалі ў 1937, кідалі пад ногі ўварванцам у 1812, 1914, 1941? Смакталі кроў, высмоктвалі душу? Апалілі Чарнобылям і кінулі ў гэтай бядзе? Прыслалі вагоны савецкай рублёвай ірвані ў 1992? Падкінулі шклоўскага ідала, на якога маліцца і які робіцца ўсё больш вычварны і вар'яцкі? Усё не даходзіць, усё гэтак жа трагічна замазаныя вочы і вушы чужынскай прапагандай. Адным словам, УНУТРАНАЯ АКУПАЦЫЯ. (5 Comments |Comment on this)